قبل ما نتفاهم ابي منك ترمي عقالك

قبل نتفاهم ابي منك ترمي عقالك

ترى لا انت وجه للرجوله ولا انت قدها

وعينك هذي تنزلها لا وقفت (انا) قبالك

ولا تقاطع في كلامي والزم الفاظك جدها

لا تساهل في كلامي واحفظه وخله في بالك
انا بنت ورثت العزه من ابوها لجدها

مايهزها مجرد وجودك كبرياها مايكسره امثالك

والكرامه قبل تعرفك راضعته بمهدها

غلطان ان كنت تحسبني شئ تبعك ومن حلالك

انا اكبر من طموحك وشف يدك لا بغيت تمدها

اللي مثلك شخص (خاين )يستحي منك ظلالك

اللي مثلك مامشى درب الرجوله وماوصل لمجدها

كيف قلبك طاوعك ترخي لجل بنت حبالك ؟!!

وترمي عقالك لجلها ولجل تكسب ودها !!
عزتي عيت تنازل لجل اعاتبك على فعالك

خلنا من " قصة خيانه " وقلي كرامتك وش عندها ؟!

وين الرجوله اللي تقول ؟! كيف ترضى يكون حالك ؟!

وين عقلك طار له ؟ يوم تلحق مرها وشهدها

لو سألت عن المهانه قلت : تجسد من خلالك

يوم ترمي بالرجوله وتركض وتمسك يدها !!

ان كنت تسأل عن شعوري ابشر بجاوب عن سؤالك

تدري ! فرحت ! لاني عرفت محبتك قبل يطول بعدها

ادري اني في يوم قلت : اني عشقت حتى خيالك

وانك قد كنت بحياتي شمسها " وظلها "وشوكها " ووردها

لكن دموعي (انا ) على كل لحظاتي بوصالك

يوم تخدعني بحبك وتنقل كلامك اللي تقوله عندها

لكن مضى كل هالزمن وماني فيه اصغر عيالك

انا اداعب هانجوم واسأل الشمس عنى ياما لثمت بخدها

واللحين بشوفك وانت تقفي ساحب عز متهالك

ولم أعذارك معك يشرفني اني بكل بساطه أصدها

مستحيل اقبل عذر انا اعلنت عن حياتي اعتزالك

والهدايا اللي وصلتني عفوآ .......... (انا) بردها

لحظه قبل تقفي لا تنسى تنحني وتآخذ عقالك

واحترف طقوس المذله ...اركض ألحقها شفها تمشي لوحدها