ياقلب لاتبلش اذا الناس سبوك

ياقلب لاتبلش اذا الناس سبوك
لاتقول وش ذنبي بشين الكلامي


ايظا لاتستغرب اذا قيل حبوك
لانه على ماقيل قولة افامي

الناس ياقلبي ترى تنظر البوك
اذا امتلا تبدي عليك السلامي


واذا فضى ماكن والله يعرفوك
وتصير عند الخلق مالك مقامي

ويصير اسمك بين هالناس صعلوك
من عقب ماهو عز كل الاسامي


وتصير في ربعك ذليل ويحقروك
وتصير كنك بالشوارع حرامي

وكان امتلى هالبوك ترهم يسموك
الطيب الزحزيح شيخ الانامي

ويصير لك مجلس ودايم يمروك
ويصير وقتك دايما في نظامي

وبوقت الشدايد دايم الدوم ينصوك
لامن غدى في دربهم شي رامي

ياقلبي افهم وافتهم لايغروك
اهل الوجيه اللي اللي بها الكره سامي

ياقلبي تكفى لاتجيهم ولا يجوك
وخلك مع اللي بالشدايد حزامي

خلك مع اهل الطيب ترهم يعزوك
ويرقوك معهم فوق عال السنامي

واهل الردى لاقفيت عنهم يذموك
ويصير دربك من عدام لعدامي


دربين وانت اختار ياقلب لاجوك
وخلك ذهيين ارجوك وافهم كلامي